Ma'lumot yuklanmoqda

2018-жыл 2-апрель күни Аймақлық Орайда Қарақалпақстан Республикасы Жоқарғы  Кеңесиниң бағдарламасы тийкарында  «Конституция - инсан ҳуқық ҳәм еркинликлериниң тийкарғы кепили» атамасында қәнигелер менен ушырасыў кешеси болып өтти. Кешеге Өзбекстан Республикасы Олий Мажлиси Сенаты ағзасы, Өзбекстан қаҳарманы Ғ. Ходжаниязов, Қарақалпақстан Республикасы Прокуроры орынбасары Я.Бабажанов, Өзбекстан Республикасы Бас Прокуратурасы жанындағы мәжбүрий орынлаў бюросы Қарақалпақстан Республикасы Басқармасы баслығының 1-орынбасары М. Бабатаев, Қарақалпақстан Республикасы Жынаят ислери бойынша судының судьясы М. Байниязов, Аймақлық орайдың профессор-оқытыўшылары ҳәм курс тыңлаўшылары жәми 184 адам қатнасты.

Шығып сөйлеўшилер Қарақалпақстан Республикасы Конституциясының түп мәнисиндеги демократиялық Конституция болып табылатуғынлығын, ол тарийхта сыналған улыўмаинсаный, қәдириятларды өзинде жәмлеген ҳүжжет болып табылатуғынлығын атап өтти. Сондай-ақ,  дәўир талабы  менен Тийкарғы Нызамымызға киритилип атырған өзгерислер хәм қосымшаларға айрықша  тоқталып, бул өзгерислер нәтийжесинде инсан ҳәм пуқаралардың ҳуқықларының мәмлекет тәрепинен қорғалыўы және де жоқары басқышқа көтерилиўи ҳаққында кең түсиник берип өтти.

  Ушырасыў кешеси соңында кеше қатнасыўшылары өзлерин  қызықтырған бир қатар сораўларына жуўаплар алды.  

www.kkrmoi.uz
Barcha huquqlar amaldagi qonunchilikka binoan himoyalangan.