Ma'lumot yuklanmoqda
O'quv jarayonini tashkil etish bo'limi

Институтда ташкил этиладиган қайта тайёрлаш ва малака ошириш курсларининг ўқув машғулотлари жадвалини тузади, тингловчиларнинг ҳужжатларини расмийлаштиради, ўқув жараёнининг меъёрий ҳужжатларга мос равишда ўтишини назорат қилади ва дарс соатларининг бажарилишини ҳисобга олиб боради;

қайта тайёрлаш ва малака ошириш курслари гуруҳ журналларининг юритилишини ва тўғри расмийлаштирилишини назорат қилади, уларни юритишда курс раҳбарларига методик ёрдам кўрсатади, гуруҳ журналларини юритишдаги камчиликларни аниқлайди ва уларни бартараф этилишини таъминлайди;

қайта тайёрлаш ва малака ошириш курсларига тингловчиларни қабул қилиш жараёнини амалга оширади, уларни курсларга қабул қилиш ва курсларни тугатганлиги ҳақидаги буйруқлар лойиҳасини тайёрлайди, уларга бериладиган маълумотнома, сертификат(диплом)ларни расмийлаштиради, шунингдек, институт профессор-ўқитувчилари ва таклиф этилган педагоглар томонидан ойлик ўқув юкламаларининг бажарилиши юзасидан билдиришномалар тайёрлайди;

кафедралар томонидан институтда ташкил этилган халқ таълими ходимларини қайта тайёрлаш ва уларнинг малака ошириш курсларининг ишчи ўқув-мавзу режалари ва ўқув дастурларининг ишлаб чиқилишини мувофиқлаштиради ва ўқув-методик ишлар бўйича проректор билан келишган ҳолда уларни институт ректори тасдиғига тавсия этади;

қайта тайёрлаш ва малака ошириш курсларидаги ўқув, амалий ва лаборатория машғулотларини ўтказиш учун шароит яратади ҳамда ўқув жараёнини ташкил этади;

ўқув, амалий ва лаборатория машғулотларининг юқори савияда ташкил этилишини назорат қилади;

ҳар ой, чорак ва йил якунида туман, шаҳарлар ва малака ошириш тоифалари кесимида малака ошириш режаларининг бажарилишини таҳлил қилади, маълумот тайёрлайди.

 

www.kkrmoi.uz
Barcha huquqlar amaldagi qonunchilikka binoan himoyalangan.